Kryetari i Partisë Demokratike, Lulzim Basha gjatë një takimi më me qytetarët në Lushnjë, tha se fermerët nuk subvencionohen dhe malli i tyre nuk shitet.
Basha nuk ka nguruar të ironizojë edhe kryeministrin Rama, duke e quajtur atë kryeministrin e bankave dhe jo të fermerëve pasi për ta nuk kishte zgjidhje por u thoshte merrni kredi.
“Fermerët janë të braktisurit e mëdhenj të republikës së vjetër. Rama u thotë sot fermerëve merrni kredi, duke dalë si kryeministri i bankave. Kryeministri i ri nuk do jetë kryeministri i oligarkëve. Unë do jem kryeministri i fermerëve shqiptarë. 100 milionë euro subvencione për fermerët”, – tha Basha.
Gjithashtu, Basha u shpreh se Rama jeton mes vizatimeve dhe qypave me baltë dhe kurrë nuk do tja dijë për qytetarët.
“Rama jeton mes vizatimeve dhe qypave me baltë dhe kurrë nuk deshi t’ia dijë për ju. Ku janë 300 mijë vendet e punës? A është punësuar ndonjëri prej në këto 4 vite? Sot ngriti dolli për mua në Vlorë,”-Tha Basha.
