Teksa foli në “Çadrën e Lirisë”, Basha ka paralajmëruar Ramën se durimit të qytetarëve po u vjen fundi.
Ai ka bërë thirrje sërish për qeveri teknike, ndërsa shtoi se opozita nuk do e lejojë kthimin e monizmit.
“Mos abuzo me natyrën tonë demokratike, paqësore dhe evropiane sepse kur gjithçka të shterohet, shqiptarët dhe unë më krye të tyre, do të ta mësojmë që nuk është lojë shahu. Qeveri teknike që do të luftojë paratë e drogës në zgjedhjet e ardhshme, e dini që vetëm në Elbasan 1/3 e kartave të identitetit i kanë mbledhur?
Kështu nuk shkohet në zgjedhje, kemi qenë shumë dhe sot jemi më shumë. Kemi qenë të fortë, por sot jemi edhe më të fortë.
Kemi qenë të duruar, por sot jemi edhe më të paduruar. Bashkimi i shqiptarëve nuk do lejojë monizmin, ka vetëm një rrugë: qeveri teknike, kthimi i besimit te shqiptarët!”
