Kryetari i Partisë Demokratike, Lulzim Basha i bëri thirrje kryeministrit Edi Rama që të lirojë 11 pengjet kuksianë që po mban me të padrejtë në burg. Në një deklaratë për median Basha tha se fajin për reagimin e kuksianëve e ka vetëm Edi Rama dhe ata janë të pafajshëm.
Kryedemokrati deklaroi se ditën e martë do të vashtojmë të mbështesim të gjithë aktet e mosbidjes civile.
Gjithashtu, Basha deklaroi se kryeprokurorja është kukull e Edi Ramës dhe është zgjedhur pa vetting.
Lulzim Basha: Faleminderit atyre që iu bashkuan protestës së opozitës. Akti i sotëm është një kat që i ka bashkuar shqiptarëve kundër grabitjes.
Edi Rama sot ka pranuar fajin, por për sa kohë që mban në burg 11 kuksianë të pafajshëm nuk është tërhequr. Ata janë në burg për fajin e Ramës. Të lirohen 11 pengjet që Rama po i mban pa të drejtë në burg.
Rama do të mbajë përgjegjësi për arrestimin në mes të natës së kuksianëve. Rama nuk është kryeministri i vendit, por është autokrati që ka në dorë policinë dhe gjykatë. Rama vuri në shtetrrethim Tiranën sikur po gjykohej një grup terrorist.
Kryeprokurorja është kukull, e zgjedhur pa vetting. Peshqit e mëdhenj nuk do të kapen se Rama e përdor Prokurorinë për interes të tij. Po ashtu dhe gjykata është në dorën e Edi Ramës.
Taksa e Edi Ramës është ajo që i shtyu shqiptarët në revoltë për bukën e gojës. Shqiptarët nuk janë vetëm dhe nuk do të jenë vetëm.
Sot janë ngritur dhe sipërmarrësit e vegjël kundër faturës së TVSH-së për biznesin e vogël.
Janë ngritur njerëzit që e kanë parë ngritjen e faturës së taksës së shtëpisë.
Ditën e martë do të vazhdojmë të mbështesim të gjithë aktet e mosbindjes civile.
