Kryetari i PD, Lulzim Basha, me tone të larta tha para protestuesve të mbledhur para Kuvendit, se nuk do të ndalen deri sa të largohet nga qeveria kryeministri Rama. Duke përmendur betejën që do çlirojë vendin nga krimi i organizuar, Basha tha se hajdutëve dhe kiminelëve u ka ardhur fundi.
“Ne kemi nisur këtë betejë, për fatin europian të vendit. Luftojmë për vlerat europiane, të zgjdhjeve të lira e të ndershme, e jo të kapjes së drejtësisë, për të mbrojtur Tahirin, Gjiknurin, hajdutët dhe kriminelët.
Ne jemi mbledhur, sepse e dimë që ky vend i ka të gjitha mundësitë, për ti dhënë shqiptarëve shancet, mundësitë, për të ndërtuar jetën në vendin e tyre, sepse ky vend nuk është i varfër, por është i vjedhur. Ky është fundi i tyre. Rama ik!”, tha Basha.
