Kryetari i Partisë Demokratike, Lulzim Basha ka vijuar edhe sot, në bashkëbisedimin me gazetarët, denoncimin mbi mungesën e tamponëve, duke publikuar edhe mesazhin e një qytetari nga Korça.
Ai ndodhet në spitalin infektiv të Korçës teksa thotë se u kanë thënë që nuk ka më tampona.
Qytetari shkruan se dje duhet të kishte bërë tamponin e dytë, por i kanë pohuar se ka mundësi që ai tampon mos bëhet fare.
Lulzim Basha: ”Po ju lexoj një mesazh, para dy ditëve më ka ardhur pas konferencës bashkë. Z/kryetar unë që po ju shkruaj jam (emri i plotë), kemi dy javë pozitivë. Jemi të regjistruar në Spitalin Infektiv të Korçës. Rezultatin e morëm pas 8 ditësh. Na erdhi Policia që mos na linte të dilnim jashtë. Dje duhet të kishim bërë tamponin tjetër, na thanë nuk tampona, madje ka mundësi mos bëhet fare tamponi i dytë. Mjekët janë të mrekullueshëm, por spitalet janë si kazerma ushtrie. Nuk ka kushte.”
