Kryetari i Partisë Demokratike, Lulzim Basha thotë se njerëzit kanë nevojë për mbështetje.
Basha publikoi në rrjetn social Facebook, rastin e një biznesi të vogël furrë buke, ku pronari shprehte vështirësitë që po kalonte, për shkak të rënies së punës, taksave dhe futjes së skemës së TVSH-së.
“Unë quhem Bardhi Leka. Kam hapur një biznes furrë buke që në vitin 2012. Filloi duke rënë puna në 2014-2015, filloi duke ra puna gjithë. Pastaj na futën dhe këtë skemën tjetër që prisni kuponat se nuk ka problem deri në, ta kaloni 20 milion lekëshin e vjetër që nuk ka problem. Ne e premë dhe na futën në skemën e TVSH-së pastaj. Në 2018-ën, në prill të 2018-ës, na futën në skemën e TVSH-së. Aty pastaj filluan dhe ranë të gjitha gjërat përtokë. Erdhi këtu i pari, erdhën këtu të gjithë tatimet, ke kalu këtë, ke kalu atë. Na futën me TVSH. Këtu tani është vetëm për mbijetesë o zotëri”, tha ai.
Sipas Bashës, plani ekonomik i PD ndihmon çdo shqiptar në vështirësi.
”Njerëzit kanë nevojë për mbështetje sot! Plani ynë ndihmon çdo shqiptar në vështirësi. Koha nuk pret…’’, shkruan Basha.
