Mesditën e kësaj të diele, një ditë pas përfundimit të protestës së opozitës së bashkuar, kreu i selisë blu, Lulzim Basha, doli në një deklaratë për mediat ku tha se do t’i propozonte Grupit Parlamentar dhe Forumeve më të larta të PD, djegien e mandateve.
Menjëherë ka ardhur edhe reagimi nga kryetarja e LSI-së, Monika Kryemadhi përmes rrjetet sociale ku thekson se kryeministri Edi Rama nuk ka parë gjë akoma.
Ajo shprehet se beteja e opozitës do të vazhdojë kundër shefit të qeverisë dhe bandave, të cilat sipas saj po terrorizojnë jetët e shqiptarëve.
“Beteja kundër Ramës dhe bandave të krimit vazhdon. Nuk ka parë gjë akoma!”, shkruan ajo.
