Kryedemokrati Lulzim Basha, ka apeluar ndaj mazhorancës, që t’i hapë rrugë zgjidhjes politike, pasi sipas tij vendi është në krizë totale. Basha u shpreh se në datën 16 shkurt, populli do marrë në dorë fatin e vendit.
“Sot është rasti i parafundit për ti bërë thirrje ndërgjegjes socialiste. që ti hapin rrugë zgjidhjes politike. përpara se populli të marrë në dorë fatin e vendit.
Se sa larg realitetit është ky parlament, kukull i krimit dhe oligarkisë kjo dihet. Peshkatarët janë lënë në mëshirë të fatit. 20-30 mijë euro u kushton remonti çdo vit.
Këta nuk kanë hedhur asnjë qindarkë që këto riparime të bëhen aty dhe të ulen kostot e operimit për peshkatarët. Vendi është në krizë totale, dhe këto ligje që sjellin këta këtu janë ligje zhvatje. Këta aktivitetin kryesor të ekonomisë kanë pastrimin e parave të drogës. Kriza ka arritur dimensione tragjike”, tha Basha.
