Lideri i opozitës, Lulzim Basha, është shprehur se Rama është i gatshëm të bëj çdo gjë para publikut madje sipas tij edhe të zhvishte në skenë me qëllim që të largojë vëmendjen nga ekonomia dhe përgjegjësitë e tija.
“Rama është gati të bëjë çdo gjë, të zhvishet në skenë vetëm që të largojë vëmendjen nga ekonomia”, ka deklaruar Basha.
Ai tha se në zgjedhjet e ardhshme, kandidatët do të zgjidhen nga qytetarët shqiptarë dhe jo më siç është bërë në gjithë këto vite, ku është kryetari ai që vendos.
“Ka pasur vërtet, ka një shumëfishim të njerëzve në mitingjet tona. Njerëzit presin atë që është normale në ciklin politik të çdo partie në Europë, riciklim të elitave. Nuk ka kuptim të shkohet në çdo fushatë me një ekip, duhet ripërtërirë. Këtë kam bërë, kam ripërtërirë ekipin për të ripërtërirë nesër me energji të shumëfishuara shtetin shqiptar për ta vënë në shërbim të qytetarëve dhe axhendës së qytetarëve që është ekonomia“, tha ai.
