Pasi ka lënë mandatin, kreu i PD-së Lulzim Basha i është drejtuar selisë blu, së bashku me mbështetësit e tij, të cilët kanë qenë të shumtë në numër.
Bashkë me të ndodhet edhe kryetarja e LSI-së, Monika Kryemadhi, e cila ka zgjedhur që ta shoqërojë së bashku me një grup protestuesish.
“Opozita sot dorëzoi mandatet, dhe i vuri kyçin Parlamentit të krimit. Sot jemi qytetarë të thjeshtë në krahun tuaj, me ju dhe për ju. Nisëm një rrugëtim shprese i cili nuk do të ndalet, deri sa ta largojmë kryehajdutin. Le ta shpërndajmë këtë energji hyjnore që mund të burojë nga shpirti i një race fisnike siç jemi ne”, tha Basha.
