Pas denoncimit të kreut demokrat Lulzim Basha, FNSH është vënë menjëherë në lëvizje mbrëmjen e djeshme, duke rrethuar Shkodrën. Një ditë më parë, Basha tha përmes fakteve se lagja ‘Rus’ në Shkodër, është jashtë kontrollit të shtetit dhe njerëzit atje kanë frikë të lëvizin në rrugë, për shkak të bandave kriminale.
Kaq ka mjaftuar që Forcat e Ndërhyrjes së Shpejtë të rrethonin zonën, duke ushtruar kontrolle të shumta në banesa dhe biznese.
Në këtë lagje jeton edhe fisi Bajra, që opozita i ka denoncuar si një prej grupeve kriminale që kontrollon Shkodrën.
Por kontrollet e FNSH-së nuk janë fokusuar vetëm në Shkodër, por janë shtrirë edhe në Tiranë, Durrës dhe Vlorë.
