Në selinë blu, kryetari i PD-së Lulzim Basha zhvilloi një bashkëbisedim me gazetarët dhe ndër të tjera u pyet nëse janë të vërteta zërat e mazhorancës se PD-ja financohet nga rusët, apo jo.
Lidhur me pyetjen në fjalë, Basha i revoltuar fajësoi publikisht kryeministrin duke u përgjigjur se nëse ka një skenar rus në Shqipëri, ai quhet Edvin Kristaq Rama.
“Cili është shteti më pro-rus në Ballkan: Serbia. Cili është presidenti i Republikës së Serbisë? Aleksandër Vuçiç që e cilëson Putinin si vëlla të madh. Vuçiç dhe Rama kanë raport deri aty sa për të copëtuar Kosovën vetëm për të hequr vëmendjen nga destabiliteti. Nëse ka skenar rus në Shqipëri e ka emrin Edvin Kristaq Rama, sepse nuk ka destabilitet më të madh sesa të bashkëpunosh me krimin. Të tjerat janë broçkulla”, tha Kreu i PD-së.
Ndërsa lidhur me një marrëveshje të mundshme mes Ramës dhe Bashës, ky i fundit u përgjigj se ai nuk do e bëjë një akt të tillë për aq kohë sa kryeministri është ende në qeveri.
