Kanë mbetur vetëm dy javë nga fillimi i vitit të ri shkollor dhe librat për arsimin e detyrueshëm në vend, nuk jepen falas.
Me anë të një status në faqen e tij të “Facebook”-ut, kryetari i Partisë Demokratike, Lulzim Basha, ka ngritur këtë shqetësimin lidhur me fenomenin e ripeërsëritur pë 27 vjet..
Basha theksoi se Shqipëria është i vetmi vend në rajon që nuk e ofron këtë shërbim falas, ndërsa thekson se edhe radha për të blerë libra ndodh për shkak të sistemit klientelist të shpërndarjes.
Statusi i Bashës:
Në vend që të sjellë gëzim, fillimi i shkollës sjell ankth financiar dhe vështirësi për qindra mijëra nxënës dhe familjarët e tyre që paguajnë mbi 15 milionë dollarë çdo vit për librat e shkollave fillore dhe të mesme. Jemi vendi i vetëm në rajon ku librat për shkollimin e detyrueshëm nuk jepen falas, madje që të blesh këto tekste shkollore prindërit dhe nxënësit torturohen me orë të tëra në radhë për shkak të sistemit klientelist të shpërndarjes në pak pika. Librat për arsimin e detyrueshëm duhet të jepen falas dhe të shpërndahen nga vetë shkollat. Kjo do të ishte një ndihmë të madhe për familjet shqiptare dhe shkollimin e fëmijëve të tyre. Një qeveri në shërbim të njerëzve investon në libra dhe mjete shkollore, jo në fasada ministrish dhe luks qeveritarësh.
