Kryetari i Partisë Demokratike, Lulzim Basha shprehet Shqipëria renditet e 3-ta në Europë për rritjen e çmimeve të shportës bazë ushqimore.
Sipas kryedemokratit, gjatë 7 viteve të qeverisjes së Edi Ramës, çmimet e ushqimeve janë ngritur në stratosferë.
Basha tha se me PD-në në pushtet, do të ulet çmimi i ushqimeve duke luftuar monopolet dhe klientelizmin.
”Shqipëria renditet e 3-ta në Europë për rritjen e çmimeve të shportës bazë ushqimore. Të dhënat e publikuara nga EUROSTAT tregojnë se Shqipëria ka rritjen më të madhe të çmimeve të ushqimeve në Europë! Gjatë 7 viteve të dështuara të Edi Ramës, çmimet e ushqimeve në Shqipëri janë ngritur në stratosferë. Durimit i ka ardhur fundi!
Ne do të ulim çmimet e ushqimeve duke luftuar monopolet dhe klientelizmin, dhe do të kemi një qeveri që kujdeset për njerëzit, në vend të një qeverie që kujdeset për veten dhe klientët e saj.’’, shkruan Basha në rrjetin social, Facebook.
