Kreu i Partisë Demokratike, Lulzim Basha ka reaguar pas rrëfimit të gazetarit Jetmir Olldashi duke theksuar se Rama dhe Fatmir Xhafaj fshehën trafikun e drogën, duke i dhënë mbështetje Agron Xhafajt për të vijuar trafikun e drogës. Ndërsa e cilësoi si kurajoze punën e gazetarit Jetmir Olldashi, Basha vuri në dukje se tani ka mbetur vetëm një rrugë, ajo e protestës masive për të larguar kryeministrin Rama.
Reagimi i plotë i Lulzim Bashës
Rama dhe Xhafaj kanë fshehur krimin ndaj duhet të përballen me ligjin. Sot nën kontrollin e Edi Ramës dhe Fatmir Xhafajt
Dua të mbështes sot gazetarët kurajozë si Jetmir Olldashi dhe Ambrosia Meta. Shqipëria është sot një organizatë e strukturuar kriminale, nën thundrën e një familje mafioze si ajo Xhafaj që kontrollon trafikun e drogës. Dhe kupola është vetë Edi Rama.
Ndaj të shtunën më 26 ju ftoj të bashkoheni në protestën kombëtare për të çliruar Shqipërinë nga zgjedha e krimit të organizuar dhe për të zhbllokuar rrugën evropiane të Shqipërisë që ka vetëm një pengesë Edi Ramën, Fatmir Xhafajn.
Për t’i dhënë mesazhin Evropës që kjo qeverisje e krimit t’i hapë rrugë një qeverisjeje ku do të ketë drejtësi për të gjithë. Pa zgjidhur këtë Shqipëria nuk ka shpresë t’i hapet dera e Evropës apo që ne t’i dedikojmë çështjeve më urgjente që iu preokupojnë ju duke nisur nga ekonomia, arsimi, shëndetësisë etj. Ju ftoj të shtunën më 26 maj në protestën kombëtare ndaj qeverisë së krimit!
