Sapo është bërë me dije nga disa burime se Lulzim Basha po zhvillon një mbledhje urgjente me aleatët e Partisë Demokratike.
Lulzim Basha e kërkon takimin direkt pas daljes nga Presidenca, ku u takua me kryeministrin Rama për gjetjen e një marrëveshjeje në zgjidhjen e ngërçit politik.
Në takim po diskutohet oferta që ka shtruar në tryezën e negociatave, kreu i qeverisë. Burimet thonë se pritet një takim i dytë mes dy lidereve politikë.
Ndërsa, presidenca njoftoi se Nishani “vijon të mbajë kontaktet me palët për gjetjen e një zgjidhjeje të mundshme mbi bazë kompromisi” dhe Ruçi takohet me Metën në Rogner, le të presim zhvillimet më të reja që do të pasojnë.
