Që nga momenti i shpalljes së aleancës mes PD-LSI kemi pasur vetëm takime mes kryetarëve dhe nënkryetarëve. Sot për herë të parë PD dhe LSI po zhvillon mbledhje të përbashkët të dy grupeve parlamentare.
Kryetari i Partisë Demokratike, Lulzim Basha thotë se me Edi Ramën Shqipëria prodhon dhe eksporton vetëm krim, drogë dhe emigrantë. Basha deklaron se i gjithë pushteti është përqendruar në duart e Ramës. Ai thekson se Rama kontrollon parlamentin, qeverinë, segmente kryesorë të gjyqësorit, median dhe gjithçka tjetër.
Rama nuk do integrimin e Shqipërisë. Në vend që të luftojë krimin dhe të vërë para drejtësisë tek balilajt EdiRrama përpiqet ti shpëtojë ata. Vazhdon të ushtrohet presion për të ndaluar sabotuar hetimet ndaj Saimir Tahirit.
Vazhdon presion i jashtëzakonshme për të mos nisur hetimet ndaj Dakos, Sejdinit. I gjithë pushteti është në dorë të Edi Ramës. Rama kontrollon parlamentin, qeverinë, segmente kryesorë të gjyqësorit, median
Detyra kryesore e opozitës parlamentare është jo vetëm të denoncojë aferat korruptive por ti tregojmë shumicës dërrmuese rrugës si 3 mln shqiptarë nuk do të mbeten peng i 10 qeveritarëve të korruptuar . Nuk ka integrim pa vënë para drejtësisë kryebashkiakët dhe ministrat e korruptuar. Rama nuk mund të fshihet prapa Alket Hysenit. Hyseni duhet të hetohet për tjetërsimin e mijërave metrave katrorë në bregdet,” deklaroi Basha.
Kjo mbledhje vjen disa orë pasi Rama mbajti mbledhjen e grupit parlamentar të PS-së.
