Gazetari Karlo Bolino i është përgjigjur me të njëjtën monedhë kreut demokrat Lulzim Basha, pas akuzave që ky i fundit bëri gjatë një emisioni televiziv, se Bolino ka përfituar miliona euro koncesione nga qeveria. Ai i ka cilësuar këto shpifje, si një imitim i keq. Madje ironia shkon edhe më tej, duke thënë se ai është një fotokopje e Berishës.
Reagimi i tij vjen pasi Basha akuzoi “Report TV” se ka marrë miliona euro nga qeveria dhe veçanërisht nga Edi Rama. Ai kujton rastin e tij, duke thënë se i është dashur shumë punë për të mbëritur në këtë stad ku është tani. Gazetari shkruan në statusin e tij, se kur ai bridhte botën si gazetar, ‘Lulzim Basha ende luante me kaluç në Tiranë, dhe ëndërronte të bëhej ndonjë drejtor ndërmarrjeje, për të mundur të vidhte një copë bukë më shumë, për ta çuar në shtëpinë e tij komuniste’. A nuk ndalet me kaq, por i kujton Bashës miliona eurot që ai ka në llogaritë bankare.
