Kreu i Partisë Demokratike Lulzim Basha ka akuzuar kryeministrin Rama se po zhbën shtyllën kryesore të Reformës në Drejtësi. Duke iu referuar propozimit të fundit të PS-së për të ndryshuar rregulloren e Kuvendit, Basha tha se Rama po bën gjithçka për të mbrojtur ministrat dhe deputetët e tij të inkriminuar.
Fjala e Bashës:
Me këtë model po zhbën shtyllën kryesore të Reformës në Drejtësi. Me të gjitha këto akte dhe me atë që propozon, nuk po bën gjë tjetër veçse po zhbën Reformën në Drejtësi. Po merr masa që asnjë ministër apo deputet i korruptuar, të mos dalë para drejtësisë. PD do të kundërshtojë fuqishëm këtë akt i cili ka 1 synim: zhbërjen e reformës në drejtësi, asnjë peshk i madh të mos dalë para gjykatave.
Që nga 18 dhjetori, Rama është në panik të thellë, po bën gjithçka për t’u mbrojtur politikisht nga Reforma në Drejtësi. Vota kundër është ajo që opozita ka në dorë, tjetrën e kanë në dorë qytetarët. TIRANA TODAY
