Kreu i Partisë Demokratike, Lulzim Basha, pasditen e sotme nga Devolli ka ironizuar deklaratat e kryeministrit, Edi Rama.
Sipas Bashës, kryesocialisti fajëson sistemin për problematikat në vend sikur të sikur të kishte mbërritur sot në Shqipëri për herë të parë
Basha tha se Rama gjatë këtyre ditëve ka bërë deklarata që as vet ai nuk ju beson atyre që thotë, pasi i bie që as Edi Rama nuk e voton Edi Ramën.
“Po ta dëgjosh se çfarë thotë me akuzat që bën, i bie që as Edi Rama nuk e voton Edi Ramën. Sepse përgjegjës për korrupsionin, për abuzimin me pushtetin, për mos mbajtjen e premtimeve, për varfërinë për gjendjen e rëndë të vendit, është një dhe vetëm një, Edi Rama. Ai që qeverisi dhe kishte gjithçka nën kontrollin e tij në 4 vite”, tha Basha.
Gjatë fjalës së tij, Basha ka fajësuar kryeministrin Rama për situatën e renduar ekonomike që aktualisht ndodhet Shqipëria, por edhe për ikjet masive nga vendi gjatë dy viteve të fundit.
