Kreu i Partisë Demokratike u tregua mjaft i ashpër mëngjesin e djeshëm teksa paralajmëroi një skandal të madh dhe kërkoi arrestimin e ish-ministrit Saimir Tahiri.
Por, mëngjesin e sotëm duket se Basha e ka harruar disi deputetin Tahiri, teksa është fokusuar te taksimi i biznesit të vogël.
Edhe pse çështja Tahiri vijon të jetë mjaft “e nxehtë”, Basha ka publikuar disa foto nga Kavaja gjatë takimit me biznesin e vogël.
Me anë të një postimi, Basha shkruan se biznesi i vogël i Kavajës është në prag të falimentit, ndërsa kërkoi bashkim për ndaljen e “projektit shkatërrues të qeverisë”.
POSTIMI I BASHËS:
Biznesi i vogël i Kavajës është në prag të falimentit. Skema e TVSH-së do të rrisë çmimet e çdo malli dhe shërbimi dhe shumica e tyre do ulin qepenin. Papunësia do rritet, varfëria po ashtu. U dhashë mbështetjen e plotë bizneseve të vogla të Kavajës. Ne jemi shumica dhe duhet të bashkohemi e të ndalim këtë projekt shkatërrues të qeverisë.
