Pas mbledhjes me grupin e ri parlamentar të PD-së, Lulzim Basha ka folur për mediat, ku ka bërë ftesë të hapur për këdo që do të bëjë opozitë.
Kështu, gjatë fjalës së tij, Basha tha se ftesa është e vlefshme për këdo që është gati të bëjë opozitë, por jo pazar opozitë, duke shtuar se opozita do të jetë aktive dhe do të shtrihet në çdo hapësirë.
FJALA E BASHËS:
Kapja e medieve e bën denoncimin edhe më të vështirë, në qershor dhe korrik 20 mijë shqiptarë janë larguar për të kërkuar azil. Me Edi Ramën nuk ka as shpresë, as dritë në fund të tunelit. Opozita denoncon zullumin e qeverisë të lidhur me krimin e drogën dhe po ashtu propozon zgjidhjet. Jemi gati të presim këdo që është gati të bëjë opozitë, por jo pazar-opozitë. Ftesa është për këdo që është i gatshëm të bëjë opozitën që i duhet këtij vendi.
Ministrat po përfundojnë raporton dhe pas kësaj do japin dorëheqjen.
Opozita jonë do të jetë institucionale, aktive qytetare që do shtrihet në çdo hapësirë.
