Kryetari i Partisë Demokratike, Lulzim Basha gjatë një takimi elektoral me fermerët e Bashkisë Maliq, u tha atyre se penalizimi më i madh që kjo qeveri u ka bërë, është ngritja e traut të doganës për çdo mall të huaj, cilësor ose jo, që në mënyrë të pandershme ka konkurruar produktet shqiptare.
Basha u premtoi fermerëve se me ardhjen në krye të qeverisë, do të mbyllë doganat për produktet e huaja dhe do tu japë përparësi prodhimeve të tyre, si mënyra më e mirë për fuqizimin e ekonomisë së tyre e për rrjedhojë e ekonomisë së vendit.
“Ju kishit një ministër Bujqësie që ju kishte braktisur. Ju thoni se kosto e prodhimit është më e madhe se sa prodhimi. Të gjitha këto mund të ishin ndryshe, pasi mund të ishin subvencionuar fermerët, mund të ishte ndalur importet e prodhimeve bujqësore. Trau i doganës është hapur për të gjitha problemet bujqësore të vendeve të tjera”.
Duke iu përgjigjur shqetësimit të fermerëve për nivelin e lartë të kontributeve për pensionet, Basha se “reforma e pensioneve është e dështuar dhe ne reformën e re do të korrigjojmë duke filluar nga mosha e pensioneve dhe masa e papërballueshme e kontributit për fermerët.”
Basha përsëriti premtimin se qeveria e tij do të subvencionojë bujqësinë me 100 milion euro në vit.
