Kryetari i Partisë Demokratike Lulzim Basha paralajmëroi të dielën intensifikim të aksionit opozitar. “Asnjë iluzion se aksioni opozitar do te këtë ndërprerje apo tërheqje. Krahas aksionit opozitar dhe qytetar, do te vazhdojmë me përfundimin e programit dhe alternativës”, tha ai në një mbledhje të kryesisë dhe ish-grupit parlamentar të PD-së. Zyrtarët e Partisë Demokratike diskutuan lidhur me zgjidhjen e krizës politike dhe zgjedhjet e parakohshme.
“Jemi futur ne fazën finale te zgjidhjes së krizës. Zgjidhja e krizës, që mbetet imperativ dhe objektiv kryesor yni, vjen vetëm duke iu drejtuar sovranit me zgjedhje të lira e të ndershme”, tha ai.
Riorganizimi i partisë, aksioni politik dhe reforma zgjedhore ishin temat e tjera në të cilat u përqëndrua diskutimi.
“Pergatitja e PD per zgjedhje te parakohshme parlamentare dhe zgjedhje vendore ne 1 dite. E gjithe partia, jo vetem forumet, zbret ne terren dhe nis pergatirjet dhe kontaktin me qytetaret per zgjedhjet si zgjidhja e krizes”, theksoi ai.
