Kryetari i Partisë Demokratike, Lulzim Basha ka dalë në një deklaratë për mediat, ku ka akuzuar Ramën, i cili sipas tij, po synon të bllokojë procesin e Vettingut.
Basha u shpreh se shkurtimi i numrit të punonjësve ka për qëllim bllokimin e Reformës në Drejtësi, teksa shton se problemi nuk është financiar, pasi Rama ka më shumëpunonjës në Kryeminsitri, se sa Donald Trump në Shtëpinë e Bardhë.
I pyetur nga gazetarët nëse do të ulej sërish me Ramën, Basha tha se nuk është ky problemi dhe se me siguri do të ndodhë sërish, ndërsa shtoi se PD është më e bashkuar se kurrë.
FJALA E BASHËS:
Edi Rama ka vendosur ta sabotojë që në hapin e parë zbatimin e Vettingut. Me urdhër të Ramës, mazhoranca ka shkurtuar në komision parlamentar me pothuajse 40% kërkesat e komisionit të vettingut. Edhe sot e dyshuam Edi Ramën ta justifikonte këtë për të mbrojtur paratë e taksapaguesve. Në fakt është i njëjti Edi Ramë që paguan më shumë personel në Kryeministri seç paguan Donald Trumpi në Shtëpinë e Bardhë, gjysmën i ka sharës me pagesë të politikanëve, të medias, të çdokujt që del kundër praktikave të korruptuara të vendimeve të qeverisë së tij. Para për sharës me pagesë ka plot, qindra mijëra euro, miliona lekë të taksapaguesve shqiptarë hidhen ditë për ditë për të paguar njerëz që nuk i sjellin asnjë shërbim qytetarit apo për investime korruptive. Ndërsa për procesin e Vettingut, nuk gjenden para për të mbështetur me këshilltarë organet e Vettingut. Ky është një akt djallëzor i sabotimit të Reformës në Drejtësi.
Ne do të kemi projektin tonë dhe propozimet tona që do të vijnë pas konsultimeve me aleatin politik. Unë jam ulur dhe me siguri do të ulem edhe me pasardhësine Edi Ramës, nuk është ky problemi.
Nqs kursi tjetër është kursi i përballjes dhe për këtë PD është më e bashkuar se kurrë. Rama duhet ta ndajë mendjen, o me bandat o me drejtësinë. Të enjten në seancë parlamentare, grupi i PD do të propozojë amendamentet për vettingun./ Tirana Today
