Kreu i PD-së, Lulzim Basha ka akuzuar sot qeverinë se u ka hequr ndihmën ekonomike shumë familjeve në nevojë.
Basha mori pjesë në konferencën “Derregullimi i tregjeve”, nga ku akuzoi qeverinë se këto 5 vitet e fundit kanë qenë të humbura për Shqipërinë, pasi e vetmja gjë që po ndodh është eksportimi i drogës dhe importimi i plehrave.
“Shqipëria është në gjendje te vështirë ekonomike, pasi shumë familje ne nevoje iu hoq ndihma. Po ashtu po përkeqësohet klima e biznesit. 5 vitet e fundit, kanë qenë “te humbura” për Shqipërinë. Qeveria merr vendimmarrje ne mënyrë klienteliste. Ne 5 vite nuk ka patur asnjë investim te huaj. Investimet ne infrastrukturë janë thuajse zero. Kjo qeveri ka rritur borxhin publik. Bie euro dhe thotë ditën tjetër kemi ulur borxhin. Por kur të rritet euro ça do bëjnë? Apo do ikin me një charter? Jemi kthyer në një vend që eksporton drogë dhe importon plehra”, tha Basha.
