11 të dyshuar, duke përfshirë dhe baronin shqiptar të drogës Met Kanani, i cili u kap me një sasi prej 1,1 ton në një anije në Mula, kanë dalë sot përpara autoriteteve në Departamentin e Policisë së Stambollit.
Ekipet e Drejtorisë së Degës së Anti-Narkotikëve të Stambollit më 20 mars arrestuan në Mugla 11 persona, si dhe konfiskuan një sasi prej 1.1 tonë lëngë narkotike.
Sipas “HaberTurk” ekipi i policisë shqiptare ka mbërritur në metropolin turk ditën e premte, ndërsa paraditen e së hënës Kanani sëbashku me 10 të dyshuarit e bandës së tij u paraqitën para një gjykate në Stamboll. Më herët ata kishin kaluar kontrollin mjekësor.
Së fundmi, autoritetet turke gjetën dhe një magazinë droge që përdorej nga shqiptari për të mbjellë kanabis.Kanani akuzohet se ka trafikuar ngarkesa të mëdha kanabisi drejt vendeve të Lindjes, por edhe heroinë drejt vendeve të Bashkimit Evropian.
Gjatë një viti që kanë zgjatur hetimet për grupin e “Met shqiptarit”, janë identifikuar të paktën 10 persona që kanë punuar për të, duke trafikuar sasi të ndryshme kanabisi dhe heroine.TIRANA TODAY