Është vetëm 19-vjeç dhe shumë shpejt mund të jetë pjesë e Barcelonës. Bëhet fjalë për talentin argjentinas Leonardo Balerdi, i cili me performacat e tij në fushë me Boca Juniors dhe kombëtaren ka rënë në radarët e katalanasve. Në këtë tratativë mund të ketë edhe një sugjerim nga ana e Lionel Messit, pasi ai ka edhe një fotografi më talentin.
Interesimin e Barcelonës e ka zbuluar gazetari që mbulon lajmet e klubit argjentinas për “TyC Sports”. Ai është shprehur se Barcelona është e gatshme që të paguaj 10 milionë euro për të riun, por Boca Junior nuk është e interesuar që të dëgjojë oferta pasi nuk dëshiron të largojë nga ekipi talentin më të madh që ka.
Kujtojmë që qendërmbrojtësi 19-vjeçar vjen nga fitimi i turneut COTIF në L’Alcudia me Kombëtaren e Argjentinës, drejtuar nga Lionel Scaloni. Përveç kësaj, ai është konsideruar shumë i mirë nga trajneri aktual i Argjentinës.
