Alessio Romagnoli duket çdo ditë e më larg Milanit. Mbrojtësi duket se nuk pranon të rinovojë pa një rritje të ndjeshme të pagës dhe largimi duket shumë afër. Lazio ka hyrë në garë për shërbimet e tij, por duket se Barcelona ka vendosur t’ia bëjë jetën të vështirë Igli Tares.
Mediat italiane raportojnë se klubi spanjoll po e vëzhgon me kujdes situatën e kapitenit kuqezi dhe pritet që në verë të hidhet në sulm me një ofertë konkrete. Propozimi i katalanasve pritet t’i afrohet 50 milionë eurove dhe Lazio do të dilte menjëherë nga gara për yllin e kombëtares italiane.
Te Barça pritet të largohet Umtiti dhe zëvendësuesit e mundshëm të tij janë disa, përfshirë edhe Romagnoli dhe Felipe i Lazios. Mbetet për tu parë se cila do të jetë zgjedhja e katalanasve teksa kontrata e Romagnoli përfundon në verën 2022 dhe katalanasit kanë mundësi ta ulin ndjeshëm vlerën e operacionit.
