Barcelona e dinte që në korrik se Lionel Messi do të largohej. Faksi i dërguar nga Messi ku kërkonte largimin nga Barcelona, nuk i ka befasur drejtuesit katalanas. Një situatë krejt tjetër ishte për tifozët.
Sipas “Marca”, drejtuesit e Barcelonës e dinin që në korrik se kapiteni i tyre do largohej.
Duket se gjatë muajve ka pasur bisedime joformale në lidhje me largimin e argjentinasit. Lajmet nuk ishin konfirmuar, pasi nuk kishte asgjë zyrtare.
Argjentinasi kërkon të largohet pa krijuar probleme apo përçarje, dhe kërkon të largohet si lojtar i lirë.
