Autoritetet kanë ndërmarrë sot veprimet e para, për zbatimin e projektit të zgjerimit të rrugës te “Unaza e Re”, që parashikon edhe prishjen e rreth 400 shtëpive e biznese në atë zonë. Banorët kanë thënë për mediat se pemët janë prerë, e po kështu është ndërprerë edhe energjia elektrike.
Në ditën e 14 të protestës, banorët janë bërë bashkë për të mbrojtur shtëpitë e tyre.
Protestuesit shprehen të vendosur për të mbrojtur investimin e tyre. Ata theksojnë se nuk janë kundër projektit, por kërkojnë që shteti t’u japë shtëpi ku të jetojnë.
Lidhur me këtë protestë, një reagim ka ardhur edhe nga Avokati i Popullit.
