Banorët e Ukrainës shkuan në stacionet e metrosë, për t’i shpëtuar sulmeve ushtarake ruse në vend. Fotot treguan një mori banorësh duke përfshirë qytetarë të moshuar dhe foshnja në karroca – duke kaluar natën në stacionet e metrosë në Kiev dhe Kharkiv.
Shumë prej tyre janë të mbështjellë me batanije dhe veshje të ngrohta dhe të rrethuar nga çanta me sende personale.
(FOTO) Gruaja dhe vajza e vogël në stacionin e metrosë në Kiev, Ukrainë
Në Ukrainë ishte vendosur një shtetrrethim gjatë natës, dhe stacionet e metrosë mbetën të hapura për të shërbyer si strehë.
Mijëra ukrainas kanë lënë shtëpitë e tyre për të gjetur siguri në vendet fqinje – një shifër që Komisioneri i Lartë i OKB-së për Refugjatët vlerëson në më shumë se 100.000.
Polonia – e cila shtrihet drejtpërdrejt në lindje të Ukrainës – ka ngritur gjithashtu qendra pritjeje përgjatë kufirit të saj, në përgatitje për fluksin e refugjatëve të luftës.
(FOTO) Grup njerëzish të ulur në karrige dhe të veshur me rroba të ngrohta në stacionin e metrosë nëntokësore në Kiev, Ukrainë
Burimi i lajmit: BBC. Përshtatur nga Tirana Today
