Banorët e fshatrave të Klosit i frikësohen sulmeve nga kafshët e egra.
Arinjtë dhe ujqërit janë shndërruar në rrezik serioz për nxënësit e fshatrave të Klosit të cilët në mungesë të rikonstruksionit të gjimnazit “Shaban Çollaku” detyrohen të zhvillojnë mësimin gjatë turnit të dytë.
Nën rrezikun e sulmit të kafshëve të egra, fëmijët janë të detyruar të përshkojnë për rreth 1 orë rrugë mes maleve dhe errësirës pasi për shkak të mungesës së rrugës, transportimi me fugon deri në shkolle është i pamundur, raporton “balkanweb”.
