Banorët e Astirit kanë kundërshtuar me forcë aksionin e Policisë Bashkiake, për heqjen e ndriçimit publik. Mjaft të revoltuar, banorët e zonës kanë deklaruar për median se askush nuk i ka pranuar banesat sociale, dhe se ata që i kanë pranuar kanë pasur nga një kotec pulash në vend të shtëpisë. Po kështu, ata i mëshojnë faktit se çdo gjë që ofrohet në media është show i kryebashkiakut Veliaj.
“Asnjë nga banorët nuk ka pranuar, show i Erion Veliaj. Ka marrë dy familje që rrinë tek pularia, dhe i ka çuar atje. Në ato kotecat le të shkojë të rrijë ai, unë jo. Do ti përçajë”, ka thënë një nga banorët për “Ora News”.
Një tjetër banore kërkon dëmshpërblimin e plotë për shtëpinë që do ia prishin.
“Atë kotec që kam, atë të më japë. Banesën t’ia japë atij që ka nevojë, unë jam me shtëpi dhe nuk kam nevojë. Të më japë aq metër që do të më prishë. Të vijë të bëjë jo rrugë, por fushë aviacioni le ta bëjë”.
