Ish-deputeti demokrat Klevis Balliu ka reaguar lidhur me incidentin e shënuar paraditen e sotme në zonën e Astirit. Në njoftimin e publikuar nga IKMT, thuhet se një nga punonjësit është goditur nga protestuesit.
Balliu u shpreh se përplasja nuk kishte pse të ndodhte, ndërsa theksoi se konflikti mund të përshkallëzohet.
“Këto banesa ishin në proces legalizimi, por projekti u ndryshua.Kur ka dhune, edhe kundër-reagohet. Çfarë taksirati ka një punës i IKM që të përplaset me banorët?!
Ishte përplasje e egër, e paprecedent, dhe nuk kishte pse të ndodhte. Duhet të dialogohet me banorët. Tenderi këtu është në shqyrtim, pasi për shkak të shkeljeve flagrante. Edi Rama thotë “hajde ti prish shtëpitë, që të heq vëmendjen nga gjera te tjera”. Por jo me gjakderdhje, por duhet dialog”, tha Balliu në një komunikim për “News24”.
Punonjës i IKMT-së është qëlluar me mjete të forta nga banorët e Astirit, teksa po i lajmëronte pronarët e objekteve në këtë zonë se janë pengesë për zbatimin e projektit të “Unazës së Madhe”.
