Një 21-vjeçar me emrin Mathin Durrai, i cili studionte për financë në Universitetin e Wolverhampton, në Britani dhe bënte një punë me kohë të pjesshme, kur u kap me kanabis në makinë, në Devon. Vlera e drogës ishte rreth 40 mijë paund, shkruan Tirana Today. 
21-vjeçari, ishte me origjinë nga Afganistani është shprehur e një bandë e rrezikshme shqiptare e kishin detyruar që të transportonte drogë në të paktën 32 raste. Ai i gjendur nënë kërcënimin e saj kishte znabuar urdhrat, pasi në të kundër ata do t’i kërcënonin edhe familjen.
Por, trupi gjykues Gjykatën e Exeter, ka pasur si provë disa pamje të kapura nga kamerat e sigurisë, ku Durrani dukej i lumtur në atë punë, dhe shfaqej duke qeshur krah anëtarëve të tjerë të bandës, ndërkohë që kishin ndaluar për të blerë diçka për të ngrënë.
Një ditë më parë gjykata e la në burg Durrani, i cili u dënua me 4 vjet burg, ndërsa banda u dënua me një total prej 21 vjetësh burg, për rrolin e tyre në rrjetin e shpërndarjes së kanabisit.
E përditshmja “DailyMail”, shkruan më tej se 21-vjeçari pretendoi se paratë në bankë i kishte fituar duke punuar. Por prokurorët thanë se Durrani ishte anëtar i rëndësishëm i kësaj bande dhe ishte paguar për të udhëtuar në jug në 32 raste, nga shtëpia e tij në Wolverhampton në Exeter.
Durrani pretendonte se ishte detyruar për të transportuar drogën nga banda e shqiptarëve, në të kundërtën ata do t’i bënin keq familjes së tij.
Ai tregoi për një takim me një burrë të quajtur Kosrat Ali, i cili i kishte dhënë 4 mijë paund borxh për të blerë një makinë. Durrani tha se kishin rënë dakord se do t’ia kthente paratë me këste, por pas disa javësh Ali e telefonoi duke i kërkuar menjëherë paratë.
Kur 21-vjeçari refuzoi, ai tha se Ali dhe shqiptari Roland Toska i kërcënuan familjen. Ai madje tha se sa herë që ishte përpjekur t’i jepte para mbrapsht, ata i kishin refuzuar.
Durrani tha se në fund u detyra që të pranonte kërkesën e tyre dhe u takua me ta në Prill të 2017-s. Të tre sëbashku udhëtuan drejt jugut me dy makina, për të shpërndarë drogë tek kriminelët lokalë.
Pavarësisht pretendimeve dhe historisë së 21-vjeçarit, pamjet nga kamerat e sigurisë duke qeshur e i shoqëruar me anëtarët e tjerë të bandës, bënë që juria ta dënonte atë së bashku me të tjerët.
PËRSHTATI TIRANA TODAY
