Ish Presidneti dhe ish numri dy i PD-së, Bamir Topi, tha mbrëmjen e së hënës në emisionin “Quo Vadis” në “Vizion +”se “tradhtari më i madh i demokratëve është vetë Berisha”. Sipas ish numrit dy në PD, Berisha është ai që i mban nën kontroll njerëzit e tjerë që janë në Partinë Demokratike. “Tradhtinë më të madhe, demokratët e kanë pasur nga Sali Berisha. Të gjithë lidhjet e Berishës me Bashën dhe njerëzit e tjerë janë çështje që i takojnë Berishës për të mbajtur nën kontroll PD-në”, tha Topi.
Duke deklaruar edhe garën aktuale brenda PD-së, Topi ka deklaruar se Lulzim Basha ka “bekimin” e Sali Berishës për të qëndruar në krye të kësaj partie. Sipas tij, ish-kryeministri ka ende një ndikim të fortë në vendimmarrjet brenda PD-së. “Për aq sa unë e njoh, të jeni të sigurt, që edhe në këto kushte, po të donte, brenda 24 orëve Lulzim Basha nuk ka pushtet brenda PD-së, mjafton vetëm një fjalë e Sali Berishës. PD administrohet nga Basha, por nuk është pronar Basha” tha Topi në “Quo Vadis”, duke lënë të kuptohet fuqinë e Berishës në vendimarrjen e PD-së.
