Uzina e Përpunimit të Naftës në Ballsh, në repartin e “Koksit” është përfshirë nga flakët. Si pasojë, ka mbetur i lënduar një 53-vjeçar me inicialet L.Y, punëtor i uzinës, i cili është dërguar në spital, ku po mjekohet.
Ende nuk dihen shkaqet e zjarrit, ndërsa policia dhe zjarrfikësja ndodhen në vendngjarje.
Informacioni paraprak
Sot rreth orës 07:20, në Uzinën e Përpunimit të Thellë të Naftës në Ballsh, në repartin e “Koksit” ka rënë zjarr (digjen mbetjet toksiske të naftës).
Si pasojë e zjarrit është dëmtuar lehtë shtetasi L.Y, 53 vjeç, banues në fshatin Drenovë, Mallakastër (punëtor i këtij reparti), i cili po merr mjekim në spital.
Në vendngjarje kanë shkuar forcat zjarrfikëse, të cilat po punojnë për shuarjen e plotë të zjarrit, i cili është vënë nën kontroll.
Grupi hetimor po punon për zbardhjen e plotë të ngjarjes.
