Kryetari i Këshillit të Ministrave të Bosnje e Hercegovinës, Zoran Tageltija, ka zbuluar arsyet se përse në vendin e tij nuk e pranojnë “Ballkanin e Hapur”. Në samitin e Ohrit, Zoran Tageltija tha se në Bosnje ka ndikime politike, por edhe diplomatike, duke sqaruar se ka dyshime kush e ka propozuar këtë nismë dhe kush përfiton nga kjo. Në të njëjtën kohë citoi se ekonomia dhe qytetarët e Bosnje Hercegovinës përfitojnë nga nisma “Ballkani i Hapur”. Duke qëndruar në të njëjtën linjë, ai shtoi se i gjithë komuniteti i biznesit e mbështet “Ballkanin e Hapur” dhe shumica e qytetarëve të Bosnje Hercegovinës.
“Bosnje Hercegovina nuk ka konsensus për projektin e “Ballkanit të Hapur”. Nuk ka përgjigje serioze pse, nuk ka asnjë përgjigje negative. Është thjesht heshtje.
Sipas meje, shkaqet janë një pjesë e paragjykimeve nga e kaluara. Kush është propozues dhe kush përfiton. Ka pasur edhe ndikime politike, që vlerësojnë se ajo do të ishte një mos sukses.
Në Bosnje Hercegovinë ka ndikim nga ana e individëve, ambasadave të ndryshme. Unë jam këtu, sepse e di që i gjithë komuniteti i biznesit e mbështet “Ballkanin e Hapur”. Për mua është parakusht për zhvillimin shoqëror. Këtu jam, sepse e di se shumica e qytetarëve të Bosnje Hercegovinës e mbështesin këtë projekt”, tha Zoran Tageltija.
