Ish-deputeti demokrat, Klevis Balliu ka dorëzuar në Prokurorinë e Tiranës një denoncim për shefin e Komisariatit nr.4, për dhunën e ushtruar gjatë përplasjeve me banorët në zonën e Bregut të Lumit.
Në një prononcim për mediat, Balliu ka deklaruar se po i kthen policët në armiq të shqiptarëve teksa fabrikon prova për të pafajshëm.
“Ka një dasi te qarte, jo çdo efektiv policie është i standardit qe te dehur dhunojnë qytetaret, me urdhër te drejtuesve dhe Ramës. Policia është e përqendruar drejt dhunimit te protestuesve dhe jo te bandave te krimit, sot armiku i policisë për shkak te Ramës, dhe kupolës se inkriminuar dhe dehur te policisë se Shtetit, është qytetari shqiptar. Jetojmë ne kohe te vështira, është krize dramatike, politike dhe ekonomike. Dhune si e keni pare te Bulevardi ka qene e papranueshme por nuk kemi asnjë te shoqëruar, vazhdon ne pune shefi i komisariatit, qe u kap me zë dhe figure teksa dhunon një vajze, qe unë e dorëzova sot ne prokurori. Nuk ka asnjë rruge tjetër, veç revoltës mbarëkombëtare qe te ktheje normalitetin ne ketë vend. Ne me çdo mjet do i dalim ne mbrojtje qytetareve qe dhunohen nga policia”, deklaroi Balliu.
