Deputeti demokrat Klevis Balliu, e ka cilësuar si hakmarrje politike vendimin e Gjykatës së Tiranës për Dorjan Protoduarin. Balliu tha se Rama ka një urrejtje të theksuar ndaj familjes së tij, e cila po përndiqet politikisht. Po kështu, deputeti i PD-së ka shprehur mbështetjen ndaj të gjithë të ndaluarve.
“Një mënyrë hakmarrëse e drejtëpërdrejtë e Edi Ramës. Tregon hakmarrjen ndaj familjes së Protoduarit, të cilët janë përndjekur nga regjimi komunist dhe vazhdojnë të përndiqen. Hakmarrje politike dhe barbare e një qeverie që ka humbur çdo të drejtë morale dhe ligjore. Përsëris mbështetjen e PD ndaj të gjithë të ndaluarve.
Qytetarët kanë të drejtën të protestojnë dhe PD do vazhdojë ta mbështesë. Sot kjo qeveri tregoi se nuk njeh as ligjin, as Kushtetutën. Pikërisht me taksat që kanë paguar në 25 vjet, ata kërkojnë të shembin shtëpitë, por nuk do ti shemben. Për të mbushur xhepat e veta, kërkojnë të shkatërrojë shtëpitë e qytetarëve”, u shpreh ai.
