Pasi ka sqaruar përfundimisht qëndrimin e mazhorancës për zgjedhjet e parakohshme të artikuluar nga PD-ja, Taulant Balla ka zbuluar se çfarë do të ndodhë me Bashkitë pa kryetar. Kujtojmë se disa prej Bashkive kanë mbetur “në mëshirë të fatit” pas shkarkimit të kryetarëve për shkak të ligjit të dekriminializimit.
Nga ana tjetër, ai ka thënë se PS-ja ka marrë kandidatura për vendet bosh dhe se janë në shqyrtim të tyre. Ai ka shfrytëzuar rastin për t’i drejtuar një mesazh presidentit Meta.
Për të, presidenti duhet të zgjohet dhe të respektojë kushtetutën.
A do ushtroni presion tek Presidenti i Republikës për zgjedhjet lokale në bashkitë ku s’ka kryetar?
Balla: Presidenti ka qenë dhe mbetet në moszbatim të detyrave kushtetuese që ka. Zoti president është vënë në dijeni nga institucionet përkatës për vakancën e krijuar, është presidenti që duhet të zgjohet dhe të respektojë kushtetutën.
Po për kryetarin e PS në Shkodër?
Balla: Kemi marrë një sërë kandidaturash, shumë reputative dhe intelektuale që të përfaqësojnë popullin e Shkodrës. Jemi duke diskutuar, shumë shpejt do kemi një drejtues të PS që të përmbushë pritshmërinë e strukturës.
