Kryetari i Grupit Parlamentar të Partisë Socialiste, Taulant Balla, i shoqëruar nga kryetari i Bashkisë së Elbasanit, Gledian Llatja, vizituan sot ambjentet e një mobilerie në Elbasan.
Balla u shpreh në Elbasan tradita e kombinatit te drurit ka vazhduar, dhe sipas tij, shumë ndërmarrje të mëdha eksportojnë me krenari prodhime “Made in Albania” në Europë dhe Amerikën e Veriut.
Gjatë vizitës në mjediset e mobilerisë, Balla iu fut punës nën instruksionin e mjeshtrit Albert Çipi.
”Tek një nga mjeshtrat e prodhimit të mobiljeve Albert Çipi, sot po mësoj dhe unë sado pak nga eksperienca shumë vjeçare e tij. Tradita e kombinatit te drurit ka vazhduar. Shume ndermarrje te medha eksportojne me krenari prodhime “Made in Albania” në Europë dhe Amerikën e Veriut. Në Elbasan janë rreth 200 sipërmarrje të vogla në këtë sektor, për të cilët dhurata e Qeverisë sonë ishte zerimi i tatim fitimit dhe TVSH. Punë të mbarë njerëzve që punojnë.”, shkruan Balla në rrjetin social, Facebook.
