Real Madrid ka arritur të marrë një fitore të vuajtur përballë Huesca-s. Vendosi goli i Gareth Bale, i cili shënon pas 100 ditësh dhe merr në dorë ‘Los Blancos’. Era e fortë e bëri mjaft të vështirë që të luhej futboll, por goli i shënuar në minutat e para ishte vendimtarë deri në fund.
Real Madrid bën një start të shkëlqyer duke gjetur golin e avantazhit që në minutën e 8’ të takimit. Ishte Gareth Bale ai që me një goditje fantastike nga brenda zonës ka mposhtur portierin kundërshtar. Ky ishte goli i tij i parë pas 802 minutave thatësirë.
Ecuria më negative e karrierës së sulmuesit të Los Blancos ka përfunduar. Gjithsesi, miqtë nuk arrijnë të prodhojnë mundësi të tjera shënimi megjithëse dominojnë ndeshjen. Vendasit krijojnë raste më të pastra për shënim por Courtois ishte në një ditë të mirë dhe nuk lë asnjë top të kalojë.
Huesca tenton të barazojë rezultatin në minutat e fundit dhe po të kishin qenë më të saktë përpara portës edhe mund të kishin shënuar. Gjithsesi, Real arrin të ruajë avantazhin duke marrë tre pikë shumë të rëndësishme
