Bashkëshortja e Faik Bucit, babait që urdhëroi djalin e tij Shkëlzen Bucin që të vrasë të motrën Eglantinën për çështje nderi, ka reaguar në lidhje me ngjarjen e rëndë. Gruaja e dytë e Faikut, Liria, në një rrëfim për Report Tv i ka dalë në mbrojtje burrit dhe Shkëlzenit, që e quan “djalin e saj”. Për të, Faiku dhe Shkëlzeni janë të pastër.
“Nuk kam asgjë për të thënë momentalisht, jam e sëmurë me depresion. Po të duash të jap kartelën. Me lini të qetë, unë do shkoj te jetoj tek vëllezërit e mi. S’keni punë në shtëpinë time. Ngjarja është e rëndë, djalin dhe burrin i kam të pastër”, tha njerka e Eglantina Bucit.
Liria është gruaja e dytë e Faik Bucit, pas ndarjes së këtij të fundit nga Nafija në vitin 1993. Nafija nuk i ka parë më fëmijët e saj, dy vajzat e dy djemtë që pas ndarjes me Faikun. Një prej djemve të Bucit vdiq nga leucemia, ndërkohë që tjetri, Shkëlzeni së bashku me babanë vrau motrën dhe e groposi në Malin me Gropa.
