Politikani dhe biznesmeni George “Gigi” Becali, njëkohësisht edhe president i klubit të Steauas së Bukureshtit në një rrëfim të publikuar së fundmi nga “Striripesurse” ka folur për të kaluarën e tij, duke treguar vështirësitë dhe rrënjët e tij.
Bekali ka treguar se babai i tij kishte lindur në Shqipëri dhe për të ka qenë një model biznesi. Ai njihet për tipin e tij të veçantë, teksa mungesa e diplomacisë e ka shoqëruar gjithmonë, madje në disa raste, deklaratat pa doreza të tij kanë bërë jehonë të madhe në Rumani.
“Babai im lindi në Shqipëri, nëna ime në Bullgari. Ai hyri në Dobrega, për të shkuar në Bukovina, në Banat dhe pastaj në fshatin Baragan, Zagna afër Brailës, ku unë linda në vitin 1958. Unë kam lindur në kamp përqendrimi në Zagna.
Prindërit e mi jetonin në çadër, ishim atje për disa kohë, pastaj u zhvendosëm. Kur isha një vjeç, ata u shpërngulën në Pipera. Nëna ime është shumë e mirë, ajo kurrë nuk më goditi.
Ishte një rrobaqepëse dhe merrte rrobat më të bukura. Babai më ka dhënë një dorë të vetme. U rrita në mes të grurit dhe deleve. U rrita në frutore, midis kafshëve dhe shijova frytet e natyrës, piva qumësht direkt nga kova dhe merresha me delet.
Ata e lejuan atë të zgjeronte biznesin e tij, të bëhej furnizues i hoteleve dhe restoranteve, për shtëpitë protokollare. Kështu më pas ai filloi të dërgonte lepuj në vende të ndryshme arabe, me lejen e autoriteteve. Kjo është arsyeja pse ishte duke paguar ryshfete të konsiderueshme, por ai e dinte se si ta bënte atë në një mënyrë të tillë që të dërgonte në Amerikë paratë, dollarin, tek të afërmit e tij. Mësuesi më i mirë i biznesit që kam pasur ndonjëherë ishte babai im”, u shpreh Bekali.
