Babai i një 13-vjeçari i ka shkruar deputetit demokrat Tritan Shehu se djali i tij është gay. Por, përgjigja që i ka dhënë ligjvënësi i Partisë Demokratike është gati qesharake.
Edhe pse Tritan Shehu është mjek në profesion këshilla që i jep ai babait për 13 vjeçarit është që të merret me boks. Dhe në këtë mënyrë sipas tij, i duhet t’i blejë një palë doreza boksi.
“Diçka rreth homoseksualitetit mbi te cilin po diskutohet e po spekulohet këto ditë: Dikush më shkruan për të birin 13 vjeç, duke e përcaktuar atë “gay” dhe qe sipas tij, po pëson në shkollë për këtë arsye, diskriminim.
Unë iu përgjigja: “13 vjeç gay?! Është akoma fëmijë, nuk ka arritur formim dhe preferenca seksuale, aq më shumë një djalë.
Ai mund të ketë zërin më të hollë etj., por nuk mund të bësh konkluzione në këtë moshe.
Pra ju gaboni rëndë që arrini në të tilla përcaktime kaq herët, që pastaj kondicionojne sjelljen tuaj ndaj tij dhe influencojnë negativisht për zhvillimin e mëtejshëm normal të djalit.
Stimulojeni djalin të luajë futboll, blijini një pale doreza boksi, trajtojeni si “burrë”, mësojeni të jetë i fortë, përballues etj!
Mos u ngutni, ka kohë për konkluzione”.
Ne kete linje po ju bashkengjis link-un e nje kenge kuptimplote te Sanremos 2009, «LUCA ERA GAY» te Povias.
I lutem medias ta transmetojnë sa me shpesh, kujtdo tjetër ta promovojë këtë kenge, e cila përmban një të vertetë, një mesazh të qartë edukativ e të dobishëm”, shkruan ai.
