Dhuna dhe rrahjet ndaj gruas së tij kishin filluar prej vitesh. Prej vitit 2014 e në vazhdim, viktima, një grua 55-vjeçare, e kishte raportuar disa herë burrin e saj. Madje shqiptari i akuzuar ishte proceduar edhe penalisht. Por, 44 vjeçari me origjinë shqiptare nuk kishte ndalur kurrë dhunën ndaj gruas.
Rasti më i fundit që kishte ushtruar dhunë ndaj saj ka ndodhur mbrëmjen e së mërkurës. Akti i rëndë i dhunës kishte ndodhur në banesën e çiftin në Piazza Insubria, në Milano.
Shkelma, grushte e kërcënime, kishte ushtruar shqiptari nën efektin e kokainës ndaj gruas, raporton repubblica.it.
Gruaja kishte telefonuar karabinierët. Policët kishin shkuar menjëherë dhe kishin gjetur gruan e dhunuar në shtëpi. Ajo ishte dhunuar rëndë dhe nga goja i dilte gjak. Por kur policia kishte shkuar në banesë nuk e kishte gjetur shqiptarin aty. Ai ishte larguar nga vendi i ngjarjes dhe policia nuk kishte arritur të binte në gjurmët e tij. Karabinierët kishin mbledhur provat e nevojshme dhe ishin larguar nga shtëpia.
Por, pak orë më vonë sërish kishte rënë numri i telefonit të karabinierëve. Këtë herë kishte qenë djali 13-vjeçar i gruas. “Babai është kthyer, ai po rreh nënën”, u kishte thënë nga telefoni vogëlushi policëve. Karabinieri menjëherë kishte shkuar ë banesë. Ata e kishin gjetur shqiptarin në gjendje të qetë. Por ata e kishin arrestuar atë pasi ai vazhdonte të kërcënonte dhe ofendonte gruan e tij. Tani shqiptari është në burg./TIRANA TODAY/
