Dy vëllezër shqiptarë duhet të lënë Suedinë. David Beqiri, 15 vjeç dhe vëllai i tij më i vogël Donald Beqiri, 14 vjeç, u larguan nga Shqipëria për shkak të dhunës në familje. Por shokët e klasës së Davidit në shkollën Stenhammar kanë dalë në mbështetje. Ata shpresojnë që Bordi i Migracionit të ndalojë dëbimin.
Kishte qenë 11-vjeç, kur David Beqiri kishte shkuar për herë të parë në Suedi. Familja kishte ikur nga frika e gjakmarrjes. Për vite me radhë gjakmarrja mes familjeve kishte marrë jetë njerëzish.
David Beqiri dhe vëllai i tij Donald Beqiri, sapo shkuan filluan shkollën dhe u miqësuan shpejt me shokët e rinj, raporton ekuriren.se.
Familjes i ishte paraqitur më parë një kërkesë refuzimi për azil në virin 2016. Familja ishte detyruar të kthehej në Shqipëri ku vazhdoi të ndiqej nga gjakmarrja.
“Ne mezi shkonim në shkollë atje, sepse jeta jonë ishte në rrezik. Sepse ne jemi djemtë e familje. Gjatë gjithë kohës jetonim me frikë se do na vrisnin nga momenti në moment”, tregon David Beqiri.
Gjakmarrja
Kur dy të afërm të tij u vranë nga gjakmarrja, babai i djemve u bë agresiv. Ai humbi kontrollin dhe kërkonte hakmarrje.
“Ai u përpoq të mësonte se si të vriste dhe donte të hakmerrej. Ai u bë i dhunshëm dhe filloi të na dhunonte. Kishim frikë gjatë gjithë kohës. Ose do na vriste babai ose do na vriste familja me të cilën ishim në hasmëri”.
Djemtë arritën ta bindnin babanë të iknin për Gjermani. Por, ata të dy kishin bërë një plan më njëri-tjetrin pa dijeninë e të atit. Ata kishin mbërritur në Gjermani, braktisën të atin dhe u larguan drejt Suedisë.
Davidi Beqiri nuk mban mend shumë nga udhëtimi traumatik për në Suedi. Ata janë larguar në janar 2017. E vetmja gjë që ai kujtoi ishte se ai kishte frikë për jetën e tij.
“Nuk e di. Ishte sikur truri im u ndal, “tha ai, duke mbajtur duart në kokë.
Më të arritur në Suedi, vëllezërit, të cilët ishin 13 dhe 12 vjeç u ndihmuan dhe u strehuan. Së pari në një familje pritëse, më vonë në një jetimore. Ata ndoqën shkollën dhe janë nxënës të shkëlqyer.
Por të enjten, David Beqiri mori mesazhin që i ngjalli frikën e dikurshme. Bordi i Migracionit njoftoi se vëllezërit do të ktheheshin në Shqipëri brenda një jave.
Frikë nga kthimi në Shqipëri
David Beqiri u thotë atyre se ata kërcënohen me vdekje. Sipas tij nëse kthehen në Shqipëri, nuk mund të shkojnë as në shkollë. Vëllezërit gjithashtu kanë frikë pasi babai mund t’i dhunojë sërish.
“Kami frikë. Ata thonë se shërbimet sociale mund të kujdesen për ne. Nëse familja armike do na gjejnë, ata do na vrasin. Ata janë të fuqishëm. Nëse babai na gjen, ai do të dhunojë dhe kërcënojë sërish”, u shpreh Davidi.
Sofja Günter, nxënëse e klasës së nëntë në shkollë, reagon fuqishëm ndaj situatës.
“Shpresojmë që Bordi Suedez i Migracionit të marrë të gjithë informacionin dhe të bëjë një vlerësim të ri, sepse kjo është e tmerrshme në çdo mënyrë. Këta janë fëmijët kanë frikë për jetën e tyre”, thotë ajo.
Reagimi i shokëve
Shokët e klasës së David Beqirit në shkollën Stenhammar kanë reaguar menjëherë. Ata u njoftuan të premten për vendimin e dëbimit të shokut të tyre.
E gjithë klasa u ngrit dhe filloi një peticion në internet. Këtë fundjavë, ata kanë punuar shumë për të përhapur informacionin online dhe për t’i bërë njerëzit të veprojnë.
“Ne jemi të shqetësuar. Ne nuk duam që Davidi të largohet ngaqë nuk e dimë se çfarë e pret në Shqipëri. Ne shpresojmë që Këshillit Suedez i Migracionit të rishikojë vendimin. Ai shkel nenin 6 të Konventës mbi të Drejtat e Fëmijës, mbijetesës dhe zhvillimit”, tha shoku i klasës Gidey Zeki.
“Është një vendim çnjerëzor, ata nuk kanë asnjë të ardhme të sigurt atje”, thotë Beata Karlsson.
David Beqiri përfundon bisedën me disa fjalë zemërthyere: “Unë nuk mund të jem më i rritur, dua të jem fëmijë”./Përshtati Tirana Today/
