Qindra azilkërkues shqiptarë kanë pushtuar rrugët e Lionit ndërsa janë kthyer në shqetësim për francezët. Për këtë arsye, policia franceze ka nisur një aksion për pastrimin e qytetit të Lionit nga 150 azilkërkues të ardhur nga Shqipëria. Shqiptarët kanë ngritur në rrugët e qytetit dhe duke sfiduar njëherësh edhe policinë. Ndërsa kjo e fundit ka tentuar ti largojë, shkruan media franceze lyonmag.com.
Aksioni i policisë ka ardhur pas ankesave të qytetareve për kampet e shqiptarëve, pasi sipas tyre kanë krijuar zhurmë dhe mbetet problem higjiena. Mësohet se të paktën 150 shqiptarë u hoqën nga zona e Mandela, të cilët kishin ngritur çadra në rrugë. Sipas autoriteteve kampi pengon hapjen e punimeve lidhur me ngrohjen urbane të qytetit. Por dy orë pas ndërhyrjes së policisë franceze në Lion, shqiptarët u kthyen përsëri tek çadrat e tyre të ngritura buzë rrugës. Mediat franceze e kanë quajtur një dështim përpjekjen e policisë për t’i larguar ata.
